Fond ATRKning 2-o‘quv tashrifida ishtirok etdi

Fond direktori Nodir Abbosov boshchiligidagi Fuqarolarning banklardagi omonatlarini kafolatlash Fondi delegatsiyasi IASD ATRCning 2-o‘quv tashrifi va Balida (Indoneziya), 2022 yil 7-9 noyabr kunlari bo‘lib o‘tgan ICSD 2022 xalqaro seminarida ishtirok etdi. 

Fond mazkur tadbirga yaqinda a’zo bo‘lgan Osiyo-Tinch okeani mintaqaviy qo‘mitasining rasmiy a’zosi sifatida taklif etildi. Shunday qilib, Fond ikkita qo'mitaning a'zosi bo'lib, ATRC va EARC (Yevrosiyo mintaqaviy qo'mitasi), ikkisi ham IASD (Xalqaro depozitlarni sug'urtalovchilar assotsiatsiyasi) tarkibiga kiradi.

Bu esa o'z navbatida jahondagi omonatlarni sug‘urtalovchilar va xalqaro tashkilotlar vakillarini jamlagan forum ishtirokchilarning turli fikrlarini tinglash, o‘zaro tajriba almashish imkonini berdi. Tanishuv tashrifi kiberxavfsizlik va korporativ risklarni boshqarish masalalariga qaratildi, unda depozit sug‘urtalovchilari va umuman moliya bozori uchun yuzaga kelishi mumkin bo‘lgan tahdidlar batafsil tushuntirildi. Iqlim o'zgarishi, karbonsizlanish, barqaror rivojlanish va yashil iqtisodiyot bo'yicha xalqaro seminarda depozitlarni sug'urtalovchilarning atrof-muhitga qo'shishi mumkin bo'lgan muammo va ijobiy hissa aniq belgilab berildi. Tadbir, shubhasiz, ishtirokchilarning kiberxavfsizlik xavfining kontseptsiyasi va ko'lami haqidagi fikrlariga ta'sir qildi va depozitlarni sug'urtalovchilarni atrof-muhitni asrashga yanada faolroq yondashishga undadi.